Aisialdia, era egokian antolatuz, pertsonen garapenerako guztiz onuragarria da. Hori dela eta, gure Ikastolan ilusio handiz Seber-Aisi proiektua jarri dugu martxan. Proiektua errealitate bihurtzen doan neurrian, ezinbestekoak diren baliabideak, instalazioak eta baita lan antolaketa bera ere egokitzen goaz. Proiektu hau ikastola osatzen dugun guraso, ikasle, irakasle eta ikasle ohiei eta baita Gernikako herritarrei zuzenduta dago, bakoitzaren gurarien arabera bere garapen pertsonalari, atsedenari eta baita dibertitzeko grinari erantzuna emateko.